食物不錯, 價錢合理, 但服務態度有很大進步空間的餐廳。
舖址人流已經少, 客人更加唔多, 晚上黃金時間不超過6檯客, 但服務態度可以用惡/寸黎形容lol 雖然店面只有2人, 要落單收銀收抬掃地傳菜, 但以客人量黎計都算可以足夠處理, 未至於會忙到不爽啩._.
石板扒二人餐 $198
配餐湯餐飲, 前菜(小沙律+芝士肉醬nachos+蒜蓉包), 肉眼扒配薯菜, Pizza, 啫哩
成個餐既敗筆係個紅湯同Menu, Menu頹過我小學啲專題研習, 紅湯又稀又甜。
但係最好食同驚喜就係個Pizza, 佢係我成世人食過最薄既Pizza。平時薄批最多似梳打餅, 但呢度批底薯片咁薄, 薄得黎又鬆脆而唔係硬 (真係有幾分似食薯片), 同都唔會攞唔起塊pizza☺ 但如果你食開鬆厚批可能會唔鍾意😂 芝士份量都足夠, 所以一定係好食。個pizza 單點都係$63, 幾合理。
人太少, 店員唔多, 冇乜人所以都坐得幾自在既, 我見人攞埋電腦出黎做野。為左個Pizza我可能會再黎, 但顧慮到服務態度就真係要諗諗先🌚
Di•Deli 德里•西廚 (荃灣)
Search